இதுதான் காதல் என்பதா....

காதல்-

ஒரு கோப்பையில் இருவர் சாறு அருந்துவதல்ல,

இரு கோப்பைகளின் சாரம் ஒன்றாக இணைவதே.

காதல்-
கடற்கரையில் நெருக்கம் காட்டுவதல்ல,
கடல் தாண்டியிருப்பினும்  நெருக்கம் இறுகுவதே.

காதல்-
கட்டிலில் தேடும் காமம் என்பதல்ல,
கஷ்டத்திலும்  வருடும் மயிலிறகு.

காதல்-
ஆயிரம் அலங்கார வார்த்தைகள் அல்ல,
மௌனத்திலும் புரிகின்ற நல்ல சங்கீதம்.

காதல்-
உடனிருக்கும்போது உண்டாகும் இன்பம் மட்டுமல்ல,
உடனில்லாதபோது ஏற்படும் வெற்றிடமும்.

காதல்-
வார்த்தையிலும் கவிதையிலும் வடிப்பதல்ல,
வாழ்க்கையில் உணரும் ஒரு நல்ல உணர்வு.

காதலன்,காதலி
தொலைவதுண்டு,
நகர்வதுண்டு,
இறப்பதுண்டு.

காதல்-
தொலைவதில்லை,
நகர்வதில்லை,
இறப்பதில்லை.