தமிழ் மடி

எழுத்துக்களம் குதித்திடவே
எழுது கலம் எடுத்திட்டேன்
எழுந்து வந்த எண்ணங்களை 
ஏடுதன்னில் ஏற்றிட்டேன்

உள்ளமதில் உதித்தவற்றை
உயிர் கொடுத்து உதிர்த்திட்டேன்
உருவம் தந்து சுவைதன்னை
ஊற்றிடவே முயன்றிட்டேன்

தன் குழந்தையென தன் கரம்
தந்தனள் தமிழன்னை
தமிழே! என் தாயேயென
தாவி மடி ஏறி விட்டேன்

வளர்த்தனள் அன்னை
வளர்ந்தது என் தமிழ்
வந்தது வார்த்தைகள்-
'வாழ்க நம் தமிழ்'  என