26 ஜனவரி 2001 இந்தியாவின் துயர நாள்.
7. 9 ரிக்டர் ஸ்கேல் அளவில் குஜராத் மக்களின் உயிர்களையும்,உறவுகளையும்,உடைமைகளையும் சூறையாடிய துக்க நாள்.
புத்தாண்டு,பொங்கல்,தீபாவளி ,ரம்ஜான்,கிறிஸ்துமஸ் எல்லாம்தான் கொண்டாடுகிறோம்
எத்தனை பேர் நினைவாஞ்சலி செலுத்துகிறோம்?
நினைவாஞ்சலிக்காகத்தான் இந்த பதிவு
இதை கவிதையாக நினைக்க வேண்டாம்.அஞ்சலி செலுத்தவே இப்பதிவு.
நினைவாஞ்சலி
தாயே பூமித்தாயே - உன்
தயை எங்கே சென்றது?
ஏன் உயிர்களைக் கொன்றது?
எந்த அநியாயம் அதனால் நின்றது?
உயிரிழந்ததும்,உறவிழந்ததும்
உன் மடியினாலா?
புன்சிரிப்பிழந்ததும்,பொருளிழந்ததும்
புவி மாதாவாலா?
வீடிழந்ததும்,வாசலிழந்ததும்
வளர்த்த மண்ணினாலா?
நதியிலே நீராட்டி - உன்
நில விளைச்சலை உணவூட்டி
வளர்த்தது எல்லாமே இப்படி நீயே
வாரிக்கொள்ளத்தானா?
அநியாயத்தின் பாரம் தாங்காது
ஆத்திரமுற்றா வெடித்தாய்?-எனில்
பிஞ்சையும் பூவையும் ஏன்
பிய்த்து எறிந்தாய் நீ?
இப்பதிவுக்கு பின்னூட்டம் போடும் யாருமே மேலிருக்கும் கவிதையைப்(புலம்பல்) பற்றிய
பாராட்டுக்கள் போன்ற கருத்துக்கள் போட வேண்டாமென வேண்டிக்கொள்கிறேன்.
அனைவரும் மௌன அஞ்சலியாக பின்னூட்டம் போடுமாறு வேண்டி
கேட்கிறேன்.
பின்னூட்டம் போடுபவர்கள் இது போல் ஏதாவது போட்டும் இந்த நினைவாஞ்சலியில் கலந்து கொள்ளலாம்.